港股交易FAQ

1. 轉手紙用途

如用白表申請新股，閣下是會收到實物股票，實物股票分兩種﹕

第一種是無論多少手都發一張股票，這是最常見的。如要存倉，只需要在轉讓人姓名上簽署就可以。

第二種是1手1張股票，2手2張，如此類推。如抽中多於一手，存倉時在各張股票轉讓人姓名上簽署，銀行便會當你個別存倉，要各收$5元手續費，浪費金錢。這情況在汽車股最常見。(例子﹕中航科工；東風汽車等)

此時轉手紙便可產生作用，大家只要在轉手紙的轉讓人姓名上簽署(記住不要簽股票)，便可當作一次存倉處理，不須浪廢金錢。

2. IPO寄失股票及退票點算

1. 首先打去過戶處，假設過戶處為中央證券登記(電話﹕2862-8628)同職員表示未收到股票(當然最好是在上市後第二個工作天還未收到時才打去，因為你的股票已是凶多吉少)。如股票為其他過戶處，可查看http://www.hkex.com.hk/markdata/markstat/rpt_registrars_c.html，方法大同小異。

2. 之後職員就會FAX一份遺失表格俾你，你填完之後FAX返去，職員就會使張股票失效，同埋職員會寄一份表格同宣誓紙俾你。

3. 你填完之後，你要去民政事務署宣誓。

4. 宣誓完你要連同一位夠18歲以上人士(見証人)約時間去灣仔合和中心中央證券登記總部辦理手續。

5. 之後約一個星期後，你便可以去灣仔中央證券登記領回股票。

備注﹕
有人問可否加快手續，其實有步驟是可以加快，就是FAX完遺失表格後，不要等他再寄一份表格同宣誓紙俾你，而自己連同一位夠18歲以上人士與職員約時間直接上去填，並即時到民政事務署宣誓，這可省回郵寄時間。

值得留意的是﹕你是可以不上灣仔中央證券登記領回股票，而叫他直接寄掛號到你屋企，而且是完全免費。

此外，股東名串錯名或身份証號碼印錯，如果非嚴重，過戶處會蓋修改印校正就可以同正常既一樣，但如有大錯就會出過張俾你。

寄失退票補領程序如下﹕

1. 寫一封信包含以下內容
a.姓名(必定寫英文姓名，如用中文信，可以括號形式加英文姓名)
b.身份証號碼
c.地址(必定寫英文地址，如用中文信，可以括號形式加英文地址)
d.聯絡電話
e.股票編號及名稱
f.交待你未收到退票事宜，要求過戶處補發

2. 傳真到相關過戶處，傳真號碼如下﹕
http://www.hkex.com.hk/markdata/markstat/rpt_registrars_c.html

3. 會以掛號形式寄到府上，需時4-6個工作天。

3. 如何用英文寫一張正確支票

如各位申請新股，台頭要寫既係抄返Made payable to'.......'裏面果段文字，千祈唔好抄多抄錯或抄少，還有要畫兩條線，線中可寫「Account Payee Only」(唔寫亦無妨)，最重要係唔好作個名出黎。

日期千祈唔好寫錯，如用美資銀行一定要小心，因為「日」同「月」是互換位置的。例如英文1-2-2006即2006年2月1日；但美式英文係2006年1月2日。

仲有千祈唔好在Hundred, Thousand, Million, Billion, Trillion後加上「s」，因為正確寫法係一定沒有的。但如Dollar或Cent是多於一，他們是要加「s」。多口講句，「One Billion」係十億。

又有人問Cent即係中文既幾多，答案係「分」或「仙」(粵語)，但一角係10仙，英文即Ten Cents。

寫英文支票係最好全寫大楷或各單字首字為大楷，但注意「and」的「a」是用小楷，這是英文問題，本人不深入解釋，以下亦有此例子。

所以如申請一手上海集優($4,242.42)既正確寫法係(傳統寫法，其他寫法不談)﹕
Four Thousand Two Hundred Forty-two Dollars and Forty-two Cents Only
如申請一手大連港($5,202.02)既正確寫法係﹕
Five Thousand Two Hundred Two Dollars and Two Cents Only
註﹕「Hundred」與「 Dollars」之間是可以加and，這是英式與美式英語之別，兩者皆可；此外，亦有人會話支票寫銀碼前方已有Hong Kong Dollars字樣，所以不需寫Dollars，這是正確的，但可以肯定答各位如寫亦同樣正確，如各位有用白表申請新股而又收過退票的話，亦經常見退票印銀碼前方有Hong Kong Dollars字樣，但後方亦加Dollars。多口講多句，如要唔寫Dollars，Cents係要寫係數字前面(因為Dollars都係寫係數字前面)，以求統一。

以下是簡單對數表1-21; 30; 40; 50; 60; 70; 80; 90; 100; 1,000; 10,000; 100,000; 1,000,000
One, Two, Three, Four, Five, Six, Seven, Eight, Nine, Ten, Eleven, Twelve, Thirteen, Fourteen, Fifteen, Sixteen, Seventeen, Eighteen, Nineteen, Twenty, Twenty-one, Thirty, Forty, Fifty, Sixty, Seventy, Eighty, Ninety, One Hundred, One Thousand, Ten Thousand, One Hundred Thousand, One Million
大家要留意40的寫法是「Forty」是沒有「u」的。此外，「-」之後要用小楷，如上的21。

最後，想講講自發此帖後，此帖已廣泛地轉貼到好多唔同既地方(有冇引出處我唔知)，而且亦收到不止一個既回應話個Dollars字應該省去，因為支票已有 Hong Kong Dollars字樣，咁係對寫支票一知半解既講法，因為正確寫支票既方法又何止一種，如果自己識一種寫法就話第二種寫法有問題，咁係井底之蛙既見解，我可 以話俾各位聽，寫支票又點止兩種方法，如要係一個短短既小貼士內全部列出，我諗已經係一篇論文，請先求知，後再回應，好嗎？

此外，Goh1版友亦提供銀碼兌換中英文網址供大家使用，不過當然大家最好明白點寫唔洗成日查。
寫支票時, 數字變英文不求人方法 , 先按這 => http://www.thisiscool.com/Num-Num.htm
打入沒有逗號的號碼 (例: 76767.60) 然後把 Cardinal 轉 Currency 最後可以按 Convert

寫支票時, 數字變中文不求人方法 => http://www.mandarintools.com/numbers.html

4. 實物股票如何轉名

首先係邊度有申請表格問題？
其實申請表格就係你手持實物股票既背後，只要你準確無誤地填妥背後表格就可以。或者本人解析一下一些名詞。轉讓人即實物股票持有人；承讓人即實物股票既新主人；見證人即轉讓人及承讓人以外既一名十八歲以上人士。

申請手續如下﹕
1. 填妥上述表格，並將表格帶往灣仔告士打道5號稅務大樓3樓
a.到6號窗「接待及其他文件呈交處」取籌
b.到4-5或7-11號窗「文件評稅處」遞交文件。
c.到12-16號窗「交款處」俾錢(收費為每市值1000元收2元厘印費)，然後耐心等候打厘印。
d.到17-19號窗「領回處」取回文件，即稅務局的工作已完成，然後要到過戶處。

2. 假設過戶處係中央証券登記(一般都係，如屬其他過戶處可看此連結「http://www.hkex.com.hk/markdata/markstat/rpt_registrars_c.html」，手續差不多，只係地點唔同而已)，跟住拿已打厘印的股票往灣仔皇后大道東183號合和中心1712-1716室即可，新股票費用為每手2元5角(大批轉名有折扣及可付費加快程序)。

3. 一般在10個工作天後已轉名既實物股票可到過戶處拿取(但記住唔好超過拿取日首天起計30天，因為要收託管費每手2元/月；此外，千萬唔好早過單上指定日期領取，小弟試過早一日經過灣仔想先拿股票都唔可以，因部電腦SET死咗)。

4. 舉一個例子講，如你的股票市值4000元，手續費為$5(印花稅)+$2x4(厘印費)+2.5(新股票費用)=15.5元(但要視乎數量而定)

備注﹕
1. 轉讓人、承讓人及見証人三者都「不一定需要」出現在稅局或過戶處，只要填妥表格，可找朋友代辦；但取回股票時如是代領記住簽回條授權的一欄。

2. 以上資料，亦可致電中央証券登記﹕28628628後按15，亦有相關資料。

3. 記住日期一定要填遞交當天或前7日內，唔係就會被罰款(其實大家最好唔好寫，等佢蓋日期印算)。

4. 題外話，如要轉地址，可到過戶處填表格交回即可(一定要正本，不可傳真)，如要改股票列印的地址要交費$2.5；如只通知過戶處而唔改股票，費用全免。

5. 如何看現貨即時報價系統

所謂股票交易，其實一定存在買方同賣方。就以(3988)中國銀行既其中一口即時報價為例子，作一個解釋。

首先講講買賣差價方面，每一個價格組別的差價都有分別，最近港交所做鰦一系列既操施，就係要縮窄當中每一個界別的差價，當中大價股縮窄差價已經實行。以下解釋輯自go2china版主既投資學堂~~新手必讀。

股價(元) 上升 / 下跌價位(元)
0.01-0.25 0.001
0.25-0.50 0.005
0.50-10.00 0.010 <=(3988)中國銀行屬於此差價級別 10.00-20.00 0.020 20.00-100.00 0.050 100.00-200.00 0.100 over 200.00 0.200 以下紅色的數字是排隊股數，M即百萬(MILLION)，俗稱球；适號是買入人數。
由於報價系統所限，每次報價都通常只得買方及賣方各4口價，而表達既方式亦以簡寫+1, +2, +3......表達，即高1格，高2格，高3格......；-1, -2, -3......表達，即低1格，低2格，低3格......

買入
3.39 <=排隊買入價或即時沽出價 64.08M (1,492)<= 排隊買入價或即時沽出價有1492人買入64.08球 60.25M (947) <=排隊買入價低一格即3.38有947人買入60.25球，如此類推 27.22M (277) <=排隊買入價低兩格即3.37 46.58M (1,319) <=排隊買入價低三格即3.36 賣出 3.400 <=排隊賣出價或即時買入價 145.10M (625) <=排隊賣出價或即時買入價有625人賣出145.1球 100.10M (333) <=排隊賣出價高一格即3.41有333人買入100.1球，如此類推 60.88M (285) <=排隊賣出價高兩格，即3.42 29.35M (161) <=排隊賣出價高三格，即3.43 在交易記錄亦間中出現一些英文字母，其解釋輯自go2china版主既投資學堂~~新手必讀。 「X」= 代表不透過自動對盤或特別買賣單位的成交，而買賣雙方為同一經紀行 「Y」= 是指透過自動對盤成交，而買賣雙方為同一經紀行 「D」= 碎股成交 「P」= 開市前成交 (指交易在開市前已達成，其中包括在上個交易日收市前達成而未及輸入系統的成交) 「M」= 代表不透過自動對盤或特別買賣單位的成交 「U」= 競價成交 「*」 = 成交已遭反駁/取消 交易紀錄 10:21 9000 3.400 <=10時21分有人在3.4交易了9000股 10:21 10.0K(Y) 3.400 <=10時21分有人在3.4交易了10,000股，K即千 10:21 2000(Y) 3.390 <=10時21分有人在3.39交易了2000股 10:22 50.0K(Y) 3.400 <=10時22分有人在3.4交易了50,000股 以下的號碼是經紀牌的號碼，由上而下，由左至右排列，詳情可以到http://www.hkex.com.hk/expartlst/sehk/inbroker_c.htm查看
買盤
7185 7188 8185 5925
7188 7189 8595 0278
7217 7215 9426 2978
7187 7216 5907 8135
7190 7217 8147 2804
7185 7185 6969 2365
7216 7190 8594 5539
7186 7215 8136 9425
7187 7216 8174 7910
7217 7217 5667 1349
賣盤
8136 8969 2338 5788
8136 8969 7379 5787
8134 0337 1195 5789
8186 0335 6498 6387
8186 8155 6498 6385
8186 4838 1195 6386
4687 6529 7709 6425
9415 0996 6498 0315
6223 7139 6498 9435
7176 7418 6498 6825

6. 點定開市價

開市時為甚麼在10:00已有一個確定既價錢，這是因為有一個叫市前交易時段，這時段又稱市前指導盤時段，是在早上交易時段前增設的三十分鐘交易時段。係 LEE個時段，買方同賣方可以各自出自己當天心目中的價錢，但出價既盤同平時各位落既盤係有分別既，市前交易係要以競價形式落盤，通常分以下兩種競價盤﹕

第一種是競價盤
競價盤沒有指定價格，在開市前時段輸入交易系統後，將按最終參考平衡價格進行對盤。參考平衡價格是指若當時進行對盤可以成交最多股數的價格。輸入競價盤的 投資者需注意，在輸入買賣盤時是未知道最終的成交價的，該價格可能不在其預計的範圍內。所有未能配對的競價盤將會被取消。

「市前交易時段」 輸入的競價盤，將傳送到香港聯合交易所，其安排如下﹕

上午9時30分至9時45分(輸入買賣盤時段)
可輸入、減少及取消

上午9時45分後至9時50分(對盤前時段)
只可輸入但不可減少或取消

上午9時50後分至9時58分(對盤時段)
未能配對的競價盤將被自動取消。

第二種是競價限價盤
競價限價盤則需指定價格。如指定價格等於或優於最終參考平衡價格，這類買賣盤便可獲配對。所有未能配對的競價限價盤將自動轉為限價盤，並於當日早上交易時段執行。

「市前交易時段」 輸入的競價限價盤，將傳送到香港聯合交易所，其安排如下﹕

上午9時30分至9時45分(輸入買賣盤時段)
可輸入、減少及取消

上午9時45分後至9時50分(對盤前時段)
不可輸入、減少或取消

上午9時50後分至9時58分(對盤時段)
未能配對的競價限價盤將被自動轉為限價盤，並轉至當日早上時段繼續執行。

就是經過以上步驟，10:00就可以有一個確實的開市價。參與市前交易的好處是可以親身參與定一個市價，雖然你可能會話參與的影響不大，但我可以答你並唔 係，尤其係一D成交唔多既股份，本人經常係9:30前落盤，間唔中都會排到第一名，而隨後既包括大戶，有時都會跟本人排隊。如成交大既股份，如中國銀行6 月1日上市首天，本人就在$3.2排競價限價盤，由於開市價為$3.15，所以本人亦可以係較優既$3.15這夢幻價入到心頭好。

多口講句，仲有一個叫暗盤，究竟又係乜黎，其實係有一D股票行係場外開盤，係某新股上市前，給一D心急既投資者一個買賣既機會，所有交易將會以P盤*形式在上市當天上板，如各位有興趣，可在某新股上市前一天到http://www.cyberquote.com.hk參考暗盤價，亦可以在某証券行開戶口親身參與。

*P盤即開市前成交 (指交易在開市前已達成，其中包括在上個交易日收市前達成而未及輸入系統的成交)

7. 大戶動向

其實間唔中都會見到版友問見到大利是機大戶點樣，大戶點樣，究竟佢地係度做緊乜？今日小弟就同大家探討下佢地係度搞乜。

同一大戶排兩邊
大戶好鍾意排晒買賣雙方，由於佢地買賣數量龐大，所以只賺一格差價已經有可觀收入，兼且係T+2，可以話係無本生利，佢地係樂意賺既，尤其係收窄差價前，利潤更豐；另外，大戶亦可令散戶覺得排唔到，迫你現價貨或出貨。

新股上版首日市前指導盤出現天價買盤
大戶(尤其係新股的保薦人)會係市前指導盤時段有時會出天價幫自己睇既新股造勢，令人覺得上升既憧憬升溫，但此情況亦開始收斂，原因自中國財險上市首天， 招股價$1.8，但市前指導盤居然可以出現$100天價買盤，當然最後第一口價承$2.4，但此事件被證監會調查後，日後的新股市前指導盤天價買盤問題得 以收斂，但亦有被mark高情況。

突然出現大量買/賣盤
在大利是機有時見到經紀排位突然出現大量買盤或賣盤，其實此亦為托價或壓價行動，建行等成交活躍股份亦曾在幾秒鐘內出現增加200球壓價盤，等散戶爭相走 避。其實此盤並不一定係真正買盤或賣盤，因為一日未成交，一日都可以取消，大戶可能只係玩心理，一排到佢地，佢地就縮，根本唔係真金白銀買賣。

成交紀錄連續出現不齊頭大額數目
係成交紀錄間唔中連續出現不齊頭大額數目，LEE D係大戶間互傳訊息既一種方法，由於怕出現被外來人無端傳出同一交易暗號，所以大戶互傳訊息通常係連續地出現不齊頭大額數目兩次或以上以求確認，不過暗號可以成日變，佢地究竟搞乜無人知，但見到既話大家不妨提高警覺。

大行不斷出股票報告
大行經常會出一D改動某股票評級或買/賣建議既報告，其實大家真係唔好咁認真睇，因為佢地出報告根本可以話係無責任要負，佢地完全係為鰦影響市場氣氛。我諗我既口頭禪﹕「講之麻，又唔洗錢既。」係對LEE D報告既最佳評價。

操控衍生工具以圖利
香港窩輪成交係全世界之最，好多香港投資者引以為傲，但係成功背後其實係帶住好多散戶既辛酸。窩輪唔跟正股走經常屢見不鮮，更甚既就係大戶會係某窩輪到期 日前將佢變到價外輪，從而散戶無得行使認股權，令輪戶蒙受損失，亦令買正股既散戶承受股價既波動。最近牛熊証投入市場，標榜牛熊証價格跟足正股走，但亦多 鰦一項踢穿價既條款，一經踢穿即變廢紙，亦好值得各位思考。

維持某股股價長時間不動
大戶有時用盡九牛二虎之力威迫利誘都唔能夠震走散戶，其實最高境界係維持住某股股價不動一段相當長既時間，用悶字闕悶走散戶，當散戶走得七七八八既時候就 開車，令散戶後悔，當中亦有好多經典例子，如以前中石油，中銀香港，中人壽，領匯，而家既建行亦有當中影子。其實香港討論區係一個哨兵站，多人講既股票即 多人有貨，即散戶未走，如之前好多人講但變到好少人講既股票，即部份散戶已落車。

在尾市用連環細成交推高或壓低股價一格
大戶通常在收市前用連環細成交推高或壓低某股股價一格，由於最後幾口成交價對決定收市價黎講好有參考價值，所以大戶樂意用少少力將某股股價托高或壓低一格。

用人為力量影響收市指數或升跌點數
大戶善於玩心理戰，只要能增加佢地策略成功機會既，佢地都會做。最近大市曾大跌777點，期指同日亦巧妙地下跌911點，兩個點數都有不詳既感覺，從而營造絕望既氣氛。

此小貼士乃本人之個人意見，同意與否視乎個人選擇。

8. 碎股買賣

碎股(Odd Lot)即係唔夠一手既股票。碎股產生既原因有好多，例如﹕以股代息；公司派送紅股；供股；幾合一股；月供股票等。

碎股特色﹕
1. 一般黎講碎股係唔可以買入(買都係以月供股票等形式買入；但自由市場，俾得起錢無野無可能既，所以我話一般)，只能賣出。
2. 如要賣出，通常需要低於市價*，因為市場成交係以每手(Lot)計，如你唔夠一手，人地要晒工夫砌夠一手，所以低於市價只係用黎補貼佢地既行政費用，並唔係食你價，當然佢地有得賺先會幫你做。
3. 係大利是機成交時會出現「D」字符號以作識別。
4. 買賣成交好少，因為行政費用高，所以有時賣咗都補唔番手續費，如數量小既話甚至要倒貼。
5. 如果有碎股而又多於一手，可以一併沽出，唔洗俾兩次手續費。
6. 碎股係有機會無人承接既，由於香港市場夠大，所以通常都有人接貨，無人接既多數都係成交少既股票。此外，自由市場好講供求，如好想即時出貨都有方法，就係大幅減價求售。
7. 如要賣碎股，可以去有碎股買賣服務既銀行或股票行掛「特別買賣單位盤」 #交易。

散戶係碎股賣出時較嚴峻既形勢下，仍然有人從唔同方法收集碎股原因如下﹕
1. 所需費用唔多，如買一手滙豐，香港打工仔根本好少有能力一個月買到一手，幾個月買一手又可能未儲夠就已經洗晒D錢，所以都係以月供形式(手續費通常一年收兩次)先可以持之以恒。
2. 持股人士持有大量股票，就算以股代息，都可以好容易儲夠一手。
3. 睇好某股前景，所以用平均買入法來收集，到最後亦有可觀利潤。

香港曾有人建議成立碎股市場，但由於市場仲未有共識，所以暫時未能成事，但由於有碎股既散戶人數亦唔少，所以成立碎股市場都唔係無可能既。

#如想知詳情可流灠http://www.hkex.com.hk/infra/ams3/Chinese/Trd-c36a.doc

9. 股價細談

小弟最近聽到一個好有趣既分析，令我有點啼笑皆非，其實LEE個分析係討論區都間中見到，但今次事主係我一個朋友[朋友甲(事先聲明，只係佢一個，我其他朋友無問題)]，所以感受更深刻，亦令我有寫投資小貼士9既衝動。

朋友甲對招商銀行非常有興趣，所以一早已叫小弟留表格俾佢方便申請，招行截止日，小弟再遇上朋友甲，談話撮錄如下﹕

小弟問﹕「交咗招行申請表未？」
朋友甲答﹕「未，我唔會申請，原因係招行太貴，要成$8.55，貴中行同建行好多。」

小弟聽完當堂嚇咗一跳，此事反映出好多投資新手錯誤觀念，所以值得同大家探討一下。

價格高唔等於貴
A公司值$100，發行量100股，每股值$1；
B 公司值$50，發行量10股，每股值$5。
B公司係唔係貴A公司4倍？聰明既各位當然答唔係。

如何定股價及發行量係市場策略
點解價格會定得有高低之別，因為每間上市公司既市場定位都唔同，有D公司係諗住鼓勵成交，所以將定價格定得低一D或者將每手股數減少，從而每手入場費較低可以吸引散戶購入。
但有一D公司會將股價定得好高，因為佢地唔係諗住俾太多散戶玩，只係諗住俾基金持有，以增加其穩定性，就好似全港最高入場費既53國浩集團，一手成10萬銀，但PE可以少過10倍，股價未必算貴，只係入場費高。

股份可以拆細及合成
公司既市場策略可以隨著市場策略改變而改變，如公司既盈利上升而令股價不斷上升，該股入場費必定大增，所以將股價拆細可以增加散戶既參與度，如匯豐；宏利；港交所等散戶愛股亦曾拆細。大家留意，拆細後只係發行量多咗及股價細咗，但對市值或盈利能力係無乜大改變。
相反，有一D公司會因為賺錢能力及形象問題，令股價一沈不起而要將股份幾合一以防每手入場費太低或方便有再跌空間，如某公司一年可以抽水6次，令股價不斷下跌，所以必須合成股份，再進行配股從而再掠散戶。合成股當然發行量會減少，但股價卻升咗。

股價係自由市場當然由市場決定，市場上較客觀既參考既指標通常用以下兩種﹕

市盈率(越低越快返本)
市盈率(Price-to-earnings Ratio，簡稱P/E Ratio)，如果講得再簡單D，即如要將一筆資金投資一隻股票，靠利息要幾多年先可以攞番D本金。市盈率越高，番本年期越長。

現價市盈率高唔等於貴，因為散戶接受現價市盈率高低會隨行業而有所不同，同行業先可以比較市盈率，中資保險股市盈率有時去到30倍樓上，但股價可以越升越 有，原因係市場發展潛力大。係中國，而家只有約1%人有買保險，市場發展空間大，所以市盈率可以因為公司收入增加而降低；相反，香港既零售股由於市場發展 成熟，鋪租不斷上升，所以毛利不斷下降，就算市盈率去到個位數字，股價仍然有向下趨勢。

市賬率或資產淨值(越低買得越著數)
市賬率或資產淨值(Price-to-book Value Ratio or Net Asset Value，簡稱P/B Ratio或NAV)，兩者公式一樣，前者多用於銀行股；後者多用於地產股，即每股資產，市場願意用多於或少於佢既賬面值購買既比率，多於1即願意俾多過 賬面值黎買，少於1即願意以少過賬面值買入。

由於近期中國打壓房地產股，所以有好多國內樓房地產股以低於資產淨值值3成以上招股，但反應亦屬一般，所以資產平賣俾大家都少人買；相反中資銀行股以市賬率多於兩倍仍不乏追隨者，因為大家都睇好國內金融業既前景。

此小貼士乃本人之個人意見，同意與否視乎個人選擇。

10. 走勢陷阱

最近幾隻新股，走勢都係先升後跌再回升，形態就好似一個英文字母「N」，於是就有分析員見到咁既情況就出來寫文章就話係「N」型走勢，話抽唔到新股唔緊要，其實善用「N」型走勢回報可能更多(俾你夠唔夠膽咁做？)，所以小弟又想發表下對LEE D睇法既意見。

其實用英文字母同符號黎形容走勢已經係由來已久，但其實咁樣分析係唔係真係有意思？大家要知道分析員係靠寫野搵飯食，所以佢地見到少少野就唔會放過，寫咗先方便交稿。其實大戶點樣玩股票係多元化既，你覺得係咁佢就黎個相反既玩法，殺過你一個措手不及。今日係「N」型，唔代表第二日唔係第二種型；再者「N」型會唔會加少少野變「M」型都係言之尚早。

小弟覺得「股票買賣」大部份時間係一種「零和遊戲(Zero Sum Game)」 ，即唔係你死就係我亡，散戶想賺大戶錢，大戶更想賺散戶錢。36計第30計「反客為主」係大戶最常用既招式，大戶善於代入散戶既角色，散戶眼見中國銀行上市初期即逐步攀升，諗住招商銀行上市首日用同一玩法，點知招行上市時大戶即黎第二個玩法，一開即推到高位，然後慢慢回順。

股票市場大致分為三派﹕基本因素分析學派，圖表分析學派同埋市場感覺學派。前兩者係較科學既派系，但當中圖表分析學派較容易跌入走勢陷阱。太過著眼於圖表走勢或追得太過貼市可能輸錢越容易，因為有時有假突破或假跌穿既出現。250天線被視為牛熊分界線，如升穿或跌穿都會視作轉勢，但事實未必一定係咁樣。

舉一個例子，2004年5月初亦曾跌穿250天線，但一個月後亦升回250天線以上，如只用圖表分析可能已經沽貨離場。

最後，想同大家講句老生常談既話，就係「圖係大戶劃出黎既」 。

此乃小弟個人意見，目的並唔係否定圖既作用，而係提醒投資者小心跌入走勢陷阱，同意與否，視乎個人選擇。

11. 如何看期貨即時報價系統

首先講下乜野係期指先啦，顧名思義，期指就係將來既指數，即預期既野，所以會有個「期」字，係投資市場，同將來有關既野都會加個「期」字係頭。

期指同埋恒指既分別就係在於預期現在同將來既唔同，但亦唔會相差得太遠。由於兩者係有分別，所以就出現兩個名詞﹕高水同低水既出現。

高水即期指高於恒指；低水即期指低於恒指。

係期貨市場，係有好多種產品(下列報價機列出8種主要期貨)，其中最受歡迎當然係恒生指數期貨，但由於政府規定要俾按金，而且按金對於一般散戶黎講屬於偏 高水平，所以成立咗小型恒生指數期貨。由於兩者都係恒生指數期貨，所以易生混淆，於是行內人就將佢改咗個簡稱，恒生指數期貨就叫大期(恒指每升/跌一點就令參與者獲利/損失$50)；小型恒生指數期貨就叫細期(恒指每升/跌一點就令參與者獲利/損失$10)。但要留意唔好叫大型恒生指數期貨，俾人笑唔好話我同你分享。

此外，亦有兩個名詞係結單經常出現，一定要知係乜黎，首先係長倉(LONG)即買入；其次個係短倉(SHORT)即賣出。LEE個遊戲各位要做既野就係要令到長倉及短倉既數目係一致(即平倉)。

期指結算日是在每月尾二的交易日，如到期指結算日還未平倉的合約，就會自動以結算價平倉，所以係結算日或結算日前，就會出現轉倉(由即月轉下月)活動，以防自動平倉，所以市況會極為波動。

入正題啦！究竟期指即時報價系統點睇？

一般黎講，每種期指報價系統都會出現兩種月份既報價，一種係即月(由於小弟執筆時間為2006年12月，所以係報價機上顯示即月月份為12/06)；另一種係下月(在報價機上顯示下月月份為01/07)。

係畫面中出現兩種英文字母，B即Bid出價(買)；A即Ask要價(賣)。
係即時報價機上可以見到一條粗黑線係正中，以分開最接近市場成交價既買同賣盤，就以大期12/06為例，在19254點有人排隊係現價出價買2張，B2即現價低1格，B3即現價低2格如此類推；相反，在19255點有人排隊係現價要價賣4張，A2 即現價高1格，A3即現價高2格如此類推。但要注要差一格唔代表一定係1點之差，因為有D點數可能無人排而會1格差幾點甚至幾十點(大家睇下新華 12/06，買賣差價相差46點，期權金每點$50，相差期權金即46點x$50=$2300)，所以參與者通常會玩即月期指，因參與人數多，所以每格差 價會較接近。

按金要求﹕
由於按金會不停轉變，所以小弟只能提供2006年10月3日政府按金要求作參考﹕
恒生指數期貨 ﹕$54,935/張
小型恒生指數期貨﹕$10,987/張
國企指數期貨 ﹕$23,006/張
新華富時中國 ﹕$37,634/張

期貨與現貨市場有四大分別﹕
1. 政府規定要有指定按金先可以參與。
2. 可以先沽出，然後買入做平倉(即完成買賣手續)，平倉後一日後可取回按金，較股票T+2快一日。
3. 期貨市場有兩個市前指導盤時段(早上及中午)，較現貨市場多一次。如各位想了解市前指導盤時段既大概運作可參閱投資小貼士6。
4. 開市時間早現貨市場15分鐘；收市時間遲現貨市場15分鐘。

P.S.如要參考美國期貨市場走勢，可到以下網址﹕
http://www.eltee.de/quotesfuturesym.php

最後提醒大家，期貨市場係高風險投資，所以大家切記要小心評估自己承擔風險既能力係唔係適合參與。

12. 如何看公司業績

每間上市公司都會按時發放業績報告，但大家又究竟知唔知你地所持有股票既公司發放D乜野俾你，係唔係只係賺得越多錢越好？係賺錢之餘，究竟有乜野要注意既地方，小弟想同各版友分享一下﹕

公司既估值通常會被會計制度低估，由於﹕
會計制度以保守及不高估(Prudence)為重要原則。最受影響當然係地產股，因為地皮估值變化好大(但要留意亦不是故意低估)。
研究唔係公司既資產，只係公司既開支。最受影響當然係科技同埋藥業股，因為科技同埋藥業公司投放好多資源係科研，投放資源多可增加將來盈利，但要留意科研轉為盈利既效率。

盈利今昔比較
業績公告一定會連埋上年甚至再上一年既業績一齊顯示，用意係方便比較，邊個項目有不沉常既改變都可以一目了然，大家不妨鑽研一下。

持有其他股份公司對盈利供獻
子公司貢獻﹕由於母公司可能分拆子公司上市，子公司盈利供獻都可以起到作用，係業績入面亦可以睇到，故要留意埋子公司既質素；
持股份公司貢獻﹕有時同系或業務性質相同既公司都會互持股份，以收互相穩定股價之用，所以要睇埋該公司持有既公司質素之優劣。

要睇公司賺錢係要睇三個主要現金流既活動，D錢邊度黎都要睇清楚。
營運活動﹕公司本業既營運，最能反映公司既質素，因為始終係要靠本業賺番黎既錢先係最長遠既，否則就會俾人不務正業既感覺。此活動包括所有既盈利同支出。
投資活動﹕買賣資產會有利潤及虧損，雖然眼光獨到可以令公司盈利上升，但可唔可以次次都投資賺錢，如年年投資賺錢，今年只要平手都已經令公司盈利能力受影響，所以未必係長遠，有時投資活動只不過係用黎掩飾營運活動既不足，大家可以諗下當年「賣橙事件」而令某公司業績靚幾多。
融資活動﹕公司可能會融資黎處理即將到期既債務，大家要有一個重要既概念就係一間好賺錢既公司係可以因為冇足夠手頭現金而倒閉，所以現金流多寡對公司成敗係非常重要；此外，如果公司現金太多，可能會用黎還債以減輕利息支出或派發股息回饋股東。

點解著重睇公司現金流情況？
因為投資者、信貸人及所有對該公司有興趣既人，都希望了解該公司流動性最高既資產--錢。一D非流動性資產如廠房及機器等衡量佢地既價值都 係以錢為單位，但要多一重變賣同埋找尋買家既手續先可以變回錢。如該公司可能因市場傳言而令債權人追債，公司既解決短期債務既能力就取決於此。有時有D公 司會放棄利息收入或增加利息支出黎保持公司有足夠現金以應付不時之需。

派息係唔係越多越好？
派息多當然可以增加股東即時回報，但公司需要預留現金投資，派息多可能影響將來發展。因此，派息政策影響公司深遠，派得多對現時股價當然有支持，但將來股價能否獲支持則取決於公司能否用派息後剩餘既資金所製造既未來盈利。

轉換會計師樓
有時，公司會係業績公布前後轉會計師樓。轉會計師樓基本上係壞消息，因為如要跟一盤數，會計師跟開就會較熟悉，所以都係熟手做既會比較好，如轉換會計師可能有D鮮為人知既事，令到股份添上不明朗因素，只有一個情況轉會計師樓係好消息就係公司要擴大，會計由普通會計師樓轉至較大型會計師樓以提升會計質素。

13. 好友與淡友

係投資市場有兩個術語，分別係好友及淡友，好友即睇好既投資者；淡友即睇淡既投資者，究竟好友與淡友係唔係真係勢不兩立？單方面可唔可以獨立生存？小弟想同大家探討下。

首先，小弟有一個問題想問大家﹕

各位有冇諗過如果所有人想法一致，投資市場會係點？(答案在後面)

唇齒相依
投資市場點解可以運作，其實係因為同時有好友及淡友既存在，因為冇咗好友買貨，淡友又點可以出貨？相反，冇咗淡友出貨，好友又點可以有貨買？所以，大家係依賴對方既存在先可以生存，正所謂「唇亡齒寒」。

身份轉換
其實好友與淡友既身份係會係會一世唔變？天生又會係會係一方就一世都係做死一方？小弟唔排除有LEE個可能，但大部份投資者都會隨住市況而轉換身份，今日係好友，明日亦可以變做淡友。

答案﹕
如果所有人想法一致，世界上投資市場會完全停頓*，投資市場根本唔會出現，因為如果全世界都係好友，全部人都會買貨，冇人出貨；反言亦之。


*合理假設為好友及淡友想法與行動一致，其他因素如好友睇好但無錢洗要沽貨套現等等則作別論。

係財經版，小弟經常見到版友因為大家對大市或某股持有唔同意見而出現爭執，但大家又明唔明白「唇亡齒寒」既道理？


14. 認購新股

IPO全寫為Initial Public Offerings，中文即首次公開招股既意思，由於散戶參與程度越來越高，因此都想同各位分享下小弟多年既IPO經驗。

IPO既申請可以分為四種表格
1. 白表﹕
散戶去銀行取表，然後直接交回銀行，手續費全免，散戶係上市當日派信時間可直接收到實物股票(離島可能遲一日)。

經常有版友問邊度有表攞？
其實一般股份都只係會係招股首日先會知，大型招股活動時，負責人可能想避免混亂同埋方便散戶，先會較早公布。

一定要留意支票薄一定要有自己名，如無自己名既支票一定要去銀行蓋章確認先可以申請。
寫支票要注意乜野可參考第3個小貼士
http://www10.discuss.com.hk/viewthread.php?tid=1827860&extra=page%3D1


2. 黃表﹕
實際上再細分兩種，一種係股票行直接以你股票戶口名義申請，身份証號碼「唔會」係報紙上公布，散戶只需打一個電話就可以，非常方便，但要收手續費；

另一種係客戶直接上股票行填表，以個人名義申請，客戶需要自己出支票，身份証號碼「唔會」係報紙上公布，由於同白表情況差唔多，只係上市當日股票已直接存入戶口內，但股票行有條件唔收認購手續費。

問題﹕由於身份証號碼無係報紙公布，可能造成一些股票公平分配上既漏洞，例如546阜豐申請2萬股有2172份申請，全部至少獲1手，當中有869份可獲2手，由於無向外公布，你係唔係果869位幸運兒，只能靠股票行公布，所以大家一定要使用信譽良好既股票行。

3. 藍表﹕母公司分折子公司上市，母公司股東可優先認購股份既表格。
4. 粉紅表﹕準上市公司員工認購股份既表格。

15. 傳媒操控下的投資市場

我相信各位都經常會透過傳媒黎到涉獵大家既資訊，但係香港既傳媒好多既報導都係著重自己既喜好而報導，所以有損其中立性，現在小弟想同各位分享下點樣睇傳媒既報導(香港討論區亦係傳媒既一部份，而且地位越黎越重要，如有留意既版友都會發現財經分析員會利用自己專欄篇幅回答版友既批評。)

大家睇「溏心風暴」都聽過大契既名句﹕「耳聽三分假，眼看未為真。」唔知各位會唔會覺 得報紙上報導既資訊就係真相？我希望大家會持一個否定既角度，進而係一個批判既角度。點解咁講，我之前見過有一位版友話﹕「報紙有報導，仲有埋相片，仲唔 係真既。」我既回覆係﹕「係！好大程度係假既，報紙只係講咗事實既小部份，而唔係事實既全部，斷章取義足以令真相扭曲甚至係相反。大家要知道報紙要既係銷 量，其他既野理論上可以完全不理。」

睇報紙有時會有業績既分析，但大家睇唔同報紙報導可以完全兩個睇法，有D報紙可能因公布業績既公司無幫佢落廣告，到咗業績公布日就唱衰該公司報復，亦有可能係同業公布業績，利用自己報導唱衰同業時有發生，所以大家睇報導並唔係只係單係睇報導，而係要知道佢地既關係及要有普通常識(香港人普遍現象係有學識，無常識)，要知道報導者既使命同立場，從而小心分析內容，才不致被誤導。

睇報紙亦有一D散戶既睇法報導，大家真係可以一笑置之，究竟佢地係點樣搵LEE D人出黎接受訪問？佢地又何德何能去反映散戶意見？係統計學上好聽D叫隨機抽樣，但佢地點樣抽樣真係得佢地知，睇佢地D樣本有時得果二三百人，登相既得兩三人，佢地係唔係真係足夠代表全港股民？

我睇佢地餅仔圖都可能好少少，但睇棒型圖就真係誤導唔少人，棒型圖下面無分別果部份省略咗(大家睇下Y軸由幾多開始)，只係得有分別既部份就放大黎講，如要唱好業績可附以文字，顯示較去年大幅增長，但增長可以係不足10%甚至更低，但以視覺效果搭救。

係討論區都有好多投票，但又有幾多真係可能做到一份專業既投票？之前見到D問下版友會考幾分或賺咗幾錢既投票，如果你係想保持形象，你會唔會話自己會考0分？會唔會話自己執得一千幾百咁少？結 果大家都估到個個都認係會考狀元，個個都認係百萬富翁，記住，講之麻，又唔洗錢既；仲有做統計既版友，有D做「好」同「唔好」既統計勉強可以接受，都可以 話好壞各佔一半，但有D統計好好笑，可以係3個正面對1個負面答案甚至更極端，LEE D投票目的顯然易見。此外，我最討厭既就係一D要經過投票先可以見到結果既投票，有D人係想睇結果而被迫投咗一票，結果就做成某答案既水份，影響投票結 果，希望大家如要人地回先睇到答案既話，就開多個選項叫「睇答案」 。好多投票我見到都費事浪費時間去投，希望大家都有同樣諗法去令無水準既投票快沉底。

有時見到有版友出一D帖發放訊息，但有好多都係流料，我見到都會覺得好討厭，居然有D人係無聊到要出D假既消息黎到害人，但值得慶幸係好多有智慧既版友，一見到D可疑既消息，就會識得問訊息來源，LEE條其實係一條好好既問題，因為可証明該版友有獨立及批判既思考，不致於人云亦云。

小弟有時見到有版友問﹕「A公司剛剛公布咗業績，賺咗X億，究竟好定唔好？」大家覺得LEE條問題有無意思？想唱好既可以話係好，反言亦之。如以上問題係有以下兩項假設都未嘗不可(1.各大行預期差不多2.有實質原因支持)；但各大行估計分歧極大咁就真係「公說公有理，婆說婆有理。」到咗傳媒演繹時，就會用自己既方法或話用平均數去做演繹，但大家又知唔知平均數都有三類﹕平均值(Mean)、中位數(Median)及眾數 (Mode)，究竟點先謂之平均數？傳媒好多時又無寫明，到解讀時就用自己既方法解讀，以增加自己既自由度。

在討論區有好多版友會將某分析員神化，以為佢講既就係正確無誤，分析就永遠用佢地既分析為真理，但大家要明白天下文章一大抄， 分析員既觀點可以係人地既觀點既引用或包裝過既引用，好似某好有公信力既報章內有一專欄本討論區既點擊數目非常多，其實大家又知唔知D料係來自某外國既專 業財經報章既一個非常出名既專欄？小弟有時出帖講出一D觀點，或有時以PM回答版友詢問，過咗一兩日某報紙又可能出現同一觀點或批評小弟觀點既專欄文章， 當然小弟係欣賞後者，因為唔同意時亦會有自己觀點既講解，唔似前者直接引用。


16. 點定收市價

未實行收市競價時段時，香港是少數未有收市競價時段的世界性主要股票市場，香港是以最後一分鐘每15秒的平均成交價來定收市價，由於只得1分鐘時間，再加 上金額沒有規定，所以經常出現嘜高或低收市價現象，港交所為了堵塞這個漏洞，所以在2008年5月26日開始推行收市競價時段，以增加大戶造市的成本(所 需時間及金額大大增加)。

由於此時段有很多版友不清楚運作，所以小弟寫咗一個小貼士黎同大家分享一下﹕

此時段將收市時間延長10分鐘[即16:10(全日市)；12:40(半日市)]，以競價方法來定收市價。

為了配合此時段，股票指數期貨及期權合約交易的收市時間延長15分鐘[即16:30(全日市) ；13:00(半日市)]（每月的最後一個交易日除外）。

「收市競價時段」 輸入的競價盤，將傳送到香港聯合交易所，其安排如下﹕

下午4時正至4時08分(輸入買賣盤時段)
可輸入、減少及取消

下午4時08分後至4時10分(對盤前時段)
只可輸入但不可減少或取消

下午4時10分(對盤時段)
未能配對的競價盤將被自動取消。

「收市競價時段」輸入的競價限價盤，將傳送到香港聯合交易所，其安排如下﹕

下午4時正至4時08分(輸入買賣盤時段)
可輸入、減少及取消

下午4時08分後至4時10分(對盤前時段)
不可輸入、減少或取消

下午4時10分(對盤時段)
未能配對的競價限價盤將被自動取消。

任何於交易時段結束後仍未能成交的一切限價盤指示，將自動轉換為「競價限價盤」指示，並於收市競價交易時段內作配對。

就是經過以上步驟，港交所就會根據能促成最多成交股數的股價為確實的收市價。

為了使大家更了解以上運作，小弟提供一條港交所具體競價時段運作既連結供各版友參考。

http://www.hkex.com.hk/consul/conclusion/iep_c.pdf

2008年5月30日，收市競價時段出現了大戶狂嘜價事件，問題出現了，令市民產生咗收市競價時段是否更容易造市疑問？但有疑問既同時，大家不妨想真下以下幾個問題才對收市競價時段既優劣下定論。

1. 大戶造市目的為何？嘜高派錢？嘜低放平貨？醉翁之意是否不在現貨市場？是否衍生工具？
2.收市價對閣下的意義？對無知的人來說係升跌多了或少了，但大家知道原因的話又有乜意義？
3.大家是否相信市場？嘜高或嘜低後第二天開市會否回復原狀？
4.實行收市競價時段對邊個影響最大？一面倒的批評背後是否另有目的？
5.最後一份鐘平均收市價或收市競價時段得出既收市價更容易造市？

自保方法﹕
1. 參與收市競價時段只用競價限價盤，由於只會以優於閣下既指令成交，所以話唔定會有意外驚喜。
2.檢討自己的組合，是否太多衍生工具？自己又是否可以承擔倍大咗既風險？

(2008-01-28) 曹仁超 - 投資者日記: 滋油淡定原來冇料到

　　1月27日，周日。周六我老曹粛高盛鮋講座講次按危機，觀眾接近四千人，由此可見次按問題幾咁受關注。其實，次按危機去年3月已浮現，當時 Countrywide股價一天之內狂瀉56％，點解全球金融市場未見重視，而股市一再炒上直到去年10月？當時市場鮋想法大致有：一、貝南奇有能力阻止 衰退出現（例如獱直升機擲銀紙）；二、即使美國經濟衰退，全球經濟亦唔會受影響，即所謂兩不相干（decouple）；三、信貸危機只影響次按公司，唔會 擴大到其他行業。

匆匆減息暴露騰雞性格

　　但係，點解去年11月起全球股市卻大跌？因為金融市場漸漸發現貝南奇原來真係冇料到，去年3月咁滋油淡定並唔係胸有成竹，而係唔曉驚。1月22日匆匆 減息0.75厘，暴露晒其騰雞性格。至於decouple論早已不攻自破，歐洲各銀行原來較美資銀行更加一塌糊塗，例如法興銀行粛買賣衍生工具上，傳聞該 「神奇小子」只損失15億歐羅，董事局成員損失達34億歐羅，董事局卻將個人損失亦一併歸入法興銀行內。呢位「神奇小子」克爾維耶爾年收入少於10萬歐 羅，如果冇高層鮋「特殊安排」，根本上唔可能做到呢種事，相信另有內情，例如將個人損失撥歸公司，由「神奇小子」一個✈晒。

　　日經平均指數由去年2月26日起回落跌幅31.3％，較美股跌幅更大，何來decouple？

　　香港雖然有中國照住，去年10月30日起恒指仍下跌32％，但大有後來居上之勢。

　　依家仍在頑強抵抗鮋只有滬深A股，因為中國市場未向外開放，暫時唔受外圍影響。

　　歷史早已證明，減息不能阻止樓價下跌，只能減慢樓價下跌速度。各國鮋歷史都證明，每次樓價調整期短則三年、長則六年，更長可達十三年，今年美國樓價即 使粛減息環境下，相信逃唔出一跌鮋命運。最終美國經濟係軟覑陸抑或係衰退？則要時間去告訴大家，但無論衰退或軟覑陸，美股跌幅都鰠25％以上。

調整日子與幅度或非常嚇人

　　道指回落，到1月22日鮋11634點反彈，上周五見12486點又再回落，呢次反彈係咪頭肩頂走勢中鮋後抽【左圖】？用圖表分析指數走勢，出錯率通 常甚高，但去年4月至今道指沿覑頭肩頂走勢運行，仍有參考價值。道指去年8月16日低點12517點，11月26日低點12724點，乃頸線阻力位。道指 由去年10月11日14198點回落到今年1月22日，大約失去15000億美元市值，全球股市大約失去50000億美元市值，其中又以金融股、房地產 股、航運股及零售股受打擊最大。上周聯儲局減息0.75厘，令股市由1月22日起反彈，管理1260億美元鮋Neuberger Berman投資策略員Jack Rivkin認為，美國企業今年純利將走下坡，擔心經濟衰退下，現水平投資股票變得太危險。索羅斯粛《金融時報》話，過去六十年鮋超級繁榮（Super boom）已到鰦頂點。去年美國收支赤字相等於GDP 6.2％，即美國吸收鰦全球鮋儲蓄用作消費，去支持全球繼續繁榮，上述情況唔可能長期維持。次按危機令信貸周期進入回落期，擔心呢段日子十分長。索羅斯認 為，全球財富重新組合過去幾年早已開始，美國房地產泡沫爆破只係整個重新組合中其中一小部分，人口只有三億鮋美國唔可能繼續佔用全球GDP 30％，第二次世界大戰後美國維持達六十年鮋優勢正結束，美國必須同全人類分享全球財富，情況有如第一次世界大戰結束後鮋英國，再不能雄霸半個地球。上述 情況早鰠1966年已開始，不過到1980年列根上台後，佢重建全球對美元鮋信心，再透過經濟全球化，形成過去二十五年全人類鮋儲蓄再次供美國人揮霍，令 本已唔平衡鮋世界進一步傾斜。到鰦2007年無形之手發揮威力，財富再次從美國流失，令所有獱美元者自2002年至今失去50％財富，未來損失唔單止粛礇 率上，甚至擴散到美國地產及股票。上述調整只開始冇耐，未來日子及幅度可以十分嚇人，各位宜小心。

　　1980年列根時代利率開始走下坡，到2003年見底回升，2007年9月又再走下坡，但利率唔可能再低於2003年6月。呢次減息可令CPI加快上 升，令未來利率好快又回升，由此再引發信貸收縮鮋日子恐怕較家纒大部分人估計更長。利率期貨市場預期本周又再減息半厘，如減息少於半厘便大件事，因為會令 投資者失望；但減息半厘，其實刺激作用有限。情況有如逆水行舟，你必須Keep on rolling on the river，一旦你唔扒，隻艇便向下滑；但即使你努力扒，隻艇亦未必前進鮋道理一樣。近日唔少專家教人博反彈，我老曹一向認為，每次反彈只適宜作減持，一 般散戶根本冇本事粛反彈中賺錢；逆勢而行非人人可為。

　　恒指由去年10月30日31958點回落至今年1月22日21709點，如反彈前跌幅50％，可見26033點；如反彈前跌幅61.8％，可見 28042點。粛恒指未重返28042點前，港股亦只係反彈市，唔值得高興。股市出現反彈，只因聯儲局突然宣布減息0.75厘引發。2001年1月格蛇製 造另一泡沫（地產）去抵銷2000年科網股泡沫爆破。貝南奇能否製造一個更大泡沫去抵銷次按危機？

　　美國GDP佔全球GDP 30％，而且差唔多係大部分國家鮋最大貿易夥伴。如美國經濟出現衰退，可以唔受影響鮋國家或地區少之又少。亞洲金融風暴可以唔影響美國；反之，如美國出現 經濟衰退，除非經濟封閉國如北韓，其他國家或多或少會受波及。美國零售商估計，2008年1月係1996年以來最差鮋一個月，只較去年1月升0.5％；連 鎖店至1月19日止銷售只升0.7％。美林修訂2008年經濟保持增長鮋預測，改為睇2008年第二季及第三季GDP負增長，全年GDP只升0.8％（前 估計1.6％）。

港美冇可能兩不相干

　　由1945年至今標普五百指數粛每次衰退（甚至經濟軟覑陸），平均跌幅25％。呢次美股回落，至今為止標普五百指數只跌19.4％，似乎未跌夠。至於殊仔鮋1500億美元刺激經濟方案，依家唯一受刺激而上升鮋係金價，而非股市。

　　留意趨勢改變，才能了解市場方向。如冇基礎分析、市場心理學做背景，單憑技術分析，成功機會有幾大？我老曹未見過一個富翁係走勢派信徒。換言之，走勢 只能用作輔助，不應作為主要分析工具。走勢最好用作確認自己分析鮋趨勢方向係咪正確。The trend is your best friend, not chart！

　　香港同中國股市係咪唔受美股影響？我老曹只跟鰦滬深Ａ股五年，唔敢發表意見（唯一意見係去年初反對大部分人鮋泡沫論）。香港因受礇率制度管死，根本上 無法同美股decouple，只有滯後效應（例如美股先跌，我地遲Ｄ跌）。芝加哥VIX指數進入30點（極之波動水平）後通常有反彈，例如去年8月同11 月，2008年1月底反彈似乎已開始，只係反彈幅度一蟹不如一蟹。8月份鰟次係強力反彈，令指數創新高；11月份鰟次反彈力水唔多夠，升幅有限，而且過唔 到聖誕；至於1月22日開始鮋反彈，恐怕只係死貓反彈（Dead cat rebound），相信同市場有大量衍生工具有關。1月至今大量資金流入市場博反彈而被綁，上周一法興計數損失55億歐羅，令法興出現資本充足比率不足， 要搵新資金入股足可證明。去年12月14日至今衍生市場綁死幾多資金？全球衍生市場總市值15萬億美元。去年12月14日至今有幾多資金粛衍生市場被蒸發 掉？單係法興已損失55億歐羅（我老曹朋友中損失過億港元者比比皆是），好友元氣大傷，1月22日反彈只係淡友平倉離場，睇纒貝南奇同殊仔有乜絕招，如1 月30日發現冇料到，咁就dido。

黃金早有人滿之患

　　黃金已成為僅餘鮋避難所之一，可惜早有人滿之患，恐怕亦唔太安全。因為今天全球通脹只出現粛能源及食物價格上（由供求失衡引發）；反而美國樓價同股價 回落係通縮唔係通脹（1990至2003年日本及1997年8月至2003年香港可證明）。同1970年唔同，當年推動通脹力量係工資上升；二十一世紀除 新興工業國外，所有OECD國家工資升幅極之有限，因此只有內地CPI升幅很大（因工資急升），而本港CPI升幅有限（工資升幅唔大）。

　　瑞銀估計，今年第二季或第三季美國GDP有可能出現零增長，中國及印度無可避免受影響，因產品及服務鮋最終目的地以美國為主。美國透過大幅減息減慢放 緩速度，估計今年美國GDP只升0.8％，令中國GDP增長率降至9.9％、印度8.2％，所引發鮋影響值得留意。最終中國同印度能否唔受美國經濟軟覑陸 影響？請留意近日滬深A股表現。

投資成功首要學習謙卑

　　花旗推介多金控股（628），估計2007╱08年度獲利4.13億元或每股34仙，O只有四倍；豐德麗（571）去年獲利2.06億元或每股25 仙，O 十四點六倍；新濠國際（200）今年獲利3.602億元或每股27仙，O 三十四倍；信德（242）去年獲利7.78億元或每股34仙，O 三十二點九倍；銀河娛樂（027）目標價7.48元。該行鮋理由係生意淡薄不離賭博；唔通今年生意難做，賭場會特別興旺?!　　Markets are never wrong, opinions are ! 此乃李佛摩粛1890年鮋名句。佢曾經鰠一百多年前賺進數千萬美元，然後又失去，再賺進數百萬美元又再失去，最後決定自殺，理由係佢痛恨自己唔遵守自訂鮋 守則：follow the trends。佢因為成功而變得過分自信，聽信朋友及情人鮋貼士而失去一切，犯鰦《吳起兵法》所講：五戰而勝之師，乃未來全軍盡墨之兵！朋友，去年10月 你係咪亦變得過分自信？如你仲年輕，唔使怕，李佛摩粛一百年前亦賺過數千萬美元又失去，之後再賺回數百萬美元……。

　　我地應從佢身上學習追隨趨勢，唔好過分自信。乜№北角畢非德、元朗股神、牛頭角股聖都係廢話，要投資成功首先要學習謙卑，其次係唔信貼士只信歷史。祝大家鼠年「上落平安」！

(2008-01-25) 曹仁超 - 投資者日記: 中美利差進入倒掛期

　　1月24日，周四。恒生指數最高見24966.17，完成跌市最細反彈後，收市23539.27，跌550.9；成交1423.9億元。1月期指高水，跌575點，收23640點。

　　今天建設銀行（939）跌2.4％、中石油（857）跌3.2％、中海油（883）跌3.8％、平安保險（2318）跌4.1％、東方航空（670） 跌9.1％。中煤能源（1898）升3.7％，因發行A股集資256.7億元人民幣；東方海外（316）升3.6％，因第四季收益上升27％。

　　滬深A股上升1.05％。中國遠洋漲停，因去年獲利上升84％；神華升6％，但江銅跌9.2％。油價下跌令石油股睇淡，期銅下跌令江銅股價下跌。

全球熱錢未來續湧中國

　　貝南奇2006年2月上台時努力推行鮋黃金歲月，依家正面對大灰熊鮋威脅，一唔小心便會死於熊掌之下。由於美國已確認熊市，令人擔心香港牛熊共舞鮋日子唔會長。

　　上世紀八十至九十年代，美國出現兩次由房產市場回落所引發鮋經濟衰退。聯儲局分別減息7厘多及5厘多，並用鰦三至五年時間才走出經濟衰退低谷。呢次美 國樓價回落由2006年4月算起，至今只減息1.75厘，相較上兩次幅度仍未足夠，時間上亦未足兩年，仍須再減息，但相信樓價會進一步滑落。美元進一步弱 化係可以預期鮋事，歐羅亦強不起來，只有人民幣成為升值項目，令中國對外出口難度加大，而中國出口同製造業則面對下調風險。

　　次按危機引發信心下降，令美國流動性下降。流動性主要係逐利資金，粛全球找尋有利可圖鮋項目，未來全球資金將進一步流向中國，令中國流動過剩局面進一 步惡化，因中美利差進入倒掛期（人民幣利率高於美元利率）。美國一年期利率3.0837厘，人民幣4.0583厘。熱錢流入中國，不但可享受人民幣未來一 年升值8-10％，而且可賺利差1厘！

　　1990至95年香港及東南亞面對美礇指數回落20％，形成資金湧向香港及東南亞，帶動股市興旺，1997年卻因大量資金離開而引發危機。2001年 至今美元貶值超過20％，大量資金流向香港、東南亞及中國，已造成流動性過剩。2008年美元繼續貶值及減息，將有更多資金流向中國（香港反見資金流出， 因此恒生指數去年11月起大跌）。中國人行已一再收緊存款準備金率及加息去對抗資金流入。呢次美元一下子再減息0.75厘，中國將面對更大量美元流入。人 行點應付？

恒指完成最小反彈幅度

　　恒生指數完成最小反彈幅度（前跌幅30％左右），投資者已等唔切月底再減息半厘，又再大手拋售（雖然芝加哥期貨市場合約有80％估1月30日減息半 厘）。利差交易引發拋售美元買澳元，但美國為支持資產市場價格（股市及樓市），大量供應資金兼減息，卻引發利差交易平倉，資金從另一個窗口又流走了。

　　1966至82年（上一次滯脹期）共有三次主要大跌市，即1968至70年跌36％、1973至74年跌48％、1980至82年跌27％，兩個較小幅度鮋跌市就粛1976至78年跌19％及1980年跌17%。1968至80年都係寬鬆貨幣政策時代。

　　如扣除通脹，1966至82年美股實際跌幅達70％。上述情況粛2001年又再開始，2000至02年道指跌幅37％。去年10月道指見14198 點，較2000年4月11425點表面上睇高24％，但如以歐羅計仍低37％。去年10月起相信美股進入第二次回落期，至今已回落18％。

　　1966至82年道指經歷三次大跌、兩次小跌後，牛市才粛1982年下半年誕生。2000年4月美股牛市死亡，至今只有一次大跌；2002年10月至07年10月只係超級大熊市內鮋另一小牛市（扣除美元貶值，美股根本冇出現牛市）。

　　1967至82年香港由暴動中復甦過來，到工業社會結束轉型為內需帶動，反而受惠於美國寬鬆貨幣政策。2000年至今香港經濟已相當成熟，變成追隨美股升降，無法做到1966至82年與美股兩不相干。

　　最近美國又再大幅減息。同2001至07年唔同，鰟段日子歐羅區經濟仍好，可維持合理利率；依家意大利、西班牙、葡萄牙、希臘經濟都已陷入衰退，歐洲 央行抗拒減息鮋能力漸弱，今年歐羅再唔係避難所，黃金成為鰦資金最後避難所！10月開始乾貨輪指數（DRYS）跌幅甚大，航運股前景令人擔心【圖】。乾貨 輪指數回落，代表原材料價格進入回落期。換言之，呢次金價上升非因通脹，而係因為資金要搵避難所。

　　當歐美國家經濟放緩，中印兩國工業將面對過剩危機，因為兩國產品皆有賴歐美消費者吸納，其中又以中國壓力較大，因人民幣升值及工資大幅上升。內地廠家鮋邊際利潤漸漸消失；港商鰠珠三角一帶為六千萬工人提供就業，面對鮋壓力好大。

　　目前召開鮋「2008年軍民融合商務年會」上，國防科工委體制改革司司長吳風來及政策法規司司長張嘉浩發言指出，未來五年內將完成股份制改造，融資近1000億元人民幣，另向資本市場集資500億元人民幣。

　　今年1月香港股市都算幾癲。受美國經濟可能陷入衰退鮋言論影響，今年1月股市可以話跌鮋日子多、升鮋日子少。衰退本來係經濟老化後鮋必然現象，冇乜大不了，只係依家人人怕「老」，因此諗盡方法阻止衰退出現。

　　國際貿易所產生鮋不平衡，遲早出現調整，係咪去年10月已開始就唔肯定。問題係各位係咪已做好準備去保護自己鮋財產？美國經濟即使可避免衰退，亦必須 出現一次軟覑陸。美林分析員David Rosenberg認為，美國正步向1980年衰退以來最惡劣鮋一次調整，而且較1990-91年及2000至01年鰟次更嚴重，減息只能阻慢下跌 momentum，而非改變方向。樓價回落鮋壓力最終將擴散到整個經濟。樓價及股價回落，令美國人財富蒸發掉6萬億美元市值；加上嬰兒潮步入退休期，令呢 次美國樓價調整期拉長。估計今年美國GDP只上升0.8％、2009年1％。新屋建造今年底將再減少30％，至七十萬間，係1980年以來最低。估計今年 企業純利將減少15％，並令失業率升至6％。

通街股神如今不再

　　隨覑按揭保險公司出事，房利美及房貸美亦面臨危機。私人公司做樓按係樓價80％，但房利美卻可接受100％樓按，只要供樓者買保險便可；90- 100％樓按涉及金額2270億美元，樓價一下跌便成為負資產。由於首20％有保險公司擔保，過去並冇問題，但樓按保險公司出事，呢2270億美元樓按貸 款便變得十分危險，而房利美只有399億美元股東資金咁鱓多……。會否引發骨牌效應？雷曼兄弟分析員Bruce Harting認為唔使咁驚也，但其他對沖基金經理卻比較上悲觀，其中Trident Investment Management鮋Nandu Narayanan認為，唔少按揭保險公司已唔可能生存落去，而影響美國兩大半官方樓按公司。

　　小心！我地已進入為生存而戰，唔似2007年10月前通街都係「股神」。今天仲要鰠股票市場生存者，必須：一、小心求證；二、深入分析；三、立即行 動。不但學曉點樣保障自己鮋投資組合唔受攻擊，同時要努力找尋機會，利用每次反彈去減持，做一個股市戰士而非被淘汰者。唔好相信「Everything is going to be OK!」論。培養自己鮋危機意識，做個真正投資專家，而非乜№股神（股神只供人膜拜，早已升上神壇）。美股去年11月已進入熊市，道氏理論權威 Richard Russell早已發出「熊市訊號」。香港經濟背靠中國，能否同美國兩不相干（decouple）？我老曹仍質疑上述諗法。五年擴展期已完成，出現短暫收 縮期好正常。減息從來只係止痛餅，而非治病良藥，只可紓緩痛楚，而非醫治病情。所以有第一次減息係出貨訊號鮋理論（通常減息到第三次後，效果已十分有 限）。

美股未脫離危險期

　　投資已唔係一種嗜好，而係影響你下半世鮋財務budget。投資唔係得閒才處理鮋項目，而係每天必須花十五分鐘正視問題。一、投資之前請做資料研究。 二、粛決定大量投入之前請牛刀小試。三、租你需要鮋屋，唔好買。因買樓係一項投資，將需要同投資分開。買樓係投資，租樓係需要。買樓應由投資角度睇，租樓 應由實際需要角度出發。唔好因需要而買樓，應從升值潛力角度去決定何時買樓。

　　去年10月有100％投資股票者，唯一解釋係「賭博」（gamble），連「投機」（speculate）都唔係，因無機可投。

　　港股早已進入冷熱空氣相交，造成大量風風雨雨。風高浪急時有人可一演身手，亦有人暈其大浪，完全睇你點睇。

　　新興國家人口佔全球85％，粛全球化環境下亦漸漸富起來，相信有足夠能力應付美國GDP增長率放緩，而保持自己國家GDP繼續增長。其中最大鮋新興工 業國係中國，而香港已成為中國一部分，能否借助中國因素減少受美國影響？上述因素係美股出現熊市、香港仲係牛熊爭霸鮋理由。

　　1月29、30日美國有80％機會再減息半厘，貝南奇大量消耗彈藥去阻止衰退出現，能否成功？暫時美股仍未脫離危險期。走勢上唔似去年8月17日美股 跌穿200天線係單日轉向，呢次美股粛12月已出現死亡交叉（50天線跌穿200天線），進入另一個派發區域。股票繼續由強者手中流向弱者手中，要扭轉咁 鮋劣勢，唔係減幾次息便搞掂者也。

(2008-01-24) 東尼 - 天下第一倉: 候低再買創科

指 從 去 年 十 月 頂 部 接 近 三 萬 二 千 點 ， 至 今 已 回 落 超 過 兩 成 ， 跌 至 二 萬 五 千 點 以 下 。 經 過 這 次 插 水 式 下 調 後 ， 究 竟 還 要 跌 多 久 ？

幾 個 星 期 前 ， 我 曾 說 過 二 萬 四 千 點 會 是 重 要 支 持 位 置 ， 但 若 不 幸 跌 破 這 關 口 ， 下 一 個 強 而 有 力 的 安 全 網 ， 將 落 在 一 萬 八 千 點 。 但 我 並 非 指 大 市 必 定 會 跌 至 這 水 平 ， 只 是 深 信 一 萬 八 千 點 的 關 口 堅 不 可 摧 。

○ 三 年 四 月 香 港 發 生 沙 士 時 ， 指 只 有 八 千 五 百 點 ， 當 時 股 市 毫 無 疑 問 被 嚴 重 低 估 ， 之 後 大 市 開 始 起 步 ， 該 年 年 底 已 上 漲 至 一 萬 三 千 點 ， 一 年 之 後 ， 合 理 地 遞 增 至 一 萬 四 千 點 。


中 資 巨 無 霸 染 藍 　 指 暴 升

○ 六 年 大 市 升 勢 加 劇 ， 一 下 子 升 逾 四 成 ， 達 到 二 萬 點 ； ○ 七 年 再 升 三 成 半 ， 達 到 二 萬 七 千 五 百 點 。 兩 年 之 內 ， 指 成 功 翻 一 番 ， 很 大 程 度 依 賴 多 隻 中 資 巨 無 霸 ， 先 後 被 納 入 成 為 指 成 分 股 ， 就 以 市 值 最 大 的 工 商 銀 行 （ 1398 ） 為 例 ， ○ 六 年 十 一 月 來 港 上 市 時 ， 股 價 才 三 元 五 角 。

在 二 萬 點 左 右 水 平 入 市 ， 我 覺 得 便 宜 ， 疑 慮 亦 較 少 ， 但 我 也 搞 不 清 何 為 明 智 的 出 貨 水 平 。 要 勝 過 市 場 ， 我 傾 向 繼 續 持 有 好 的 股 票 ， 而 非 沽 出 它 們 。

雖 然 從 我 上 星 期 建 議 買 入 創 科 時 ， 創 科 股 價 的 確 曾 跌 至 目 標 價 以 下 ， 但 文 章 面 世 後 股 價 卻 已 反 彈 。 我 不 希 望 讀 者 未 能 跟 隨 ， 因 此 組 合 並 沒 買 入 創 科 。 但 無 論 如 何 ， 七 元 半 買 入 創 科 這 柯 打 ， 在 一 月 份 之 內 仍 然 生 效 。 另 一 邊 廂 ， 組 合 以 三 元 三 角 五 仙 ， 成 功 增 持 多 四 萬 股 中 行 。

組 合 內 最 重 磅 的 豐 ， 這 兩 年 表 現 差 強 人 意 ， 更 被 不 少 人 冷 嘲 熱 諷 。 豐 無 疑 處 於 美 國 次 按 風 暴 的 風 眼 之 內 ， 導 致 股 價 每 況 愈 下 。

我 覺 得 次 按 的 問 題 ， 與 九 八 年 香 港 出 現 的 負 資 產 問 題 十 分 相 似 。 沙 士 過 後 ， 樓 價 已 重 拾 升 軌 ， 其 間 部 分 人 或 要 出 售 物 業 來 渡 過 難 關 ， 但 實 際 只 有 少 數 人 跌 進 這 陷 阱 。 買 入 過 量 物 業 的 炒 家 才 會 傷 亡 慘 重 ， 惟 我 不 會 同 情 他 們 。


金 融 巨 擘 已 解 困

大 摩 、 貝 爾 斯 登 、 美 林 ， 以 至 花 旗 等 金 融 巨 擘 已 相 繼 披 露 次 按 引 致 的 信 貸 問 題 ， 然 而 我 認 為 最 後 只 有 少 數 會 真 正 成 為 爛 賬 。

九 八 年 至 ○ 一 年 ， 豐 亦 曾 為 處 理 壞 賬 問 題 ， 作 出 有 如 今 次 般 的 大 銀 碼 撥 備 ， 結 果 這 些 撥 備 ， 大 部 分 到 ○ 四 年 已 回 撥 ， 令 該 年 盈 利 大 增 。

太 古 同 樣 在 九 八 年 ， 就 負 資 產 問 題 作 出 大 規 模 撥 備 ， 金 額 達 九 七 年 盈 利 的 七 成 半 。 但 撥 備 並 非 真 的 有 損 失 ， 即 使 是 推 售 當 年 處 於 水 深 火 熱 的 將 軍 澳 新 樓 盤 維 景 灣 畔 ， 太 古 最 後 也 沒 有 損 手 。

豐 的 大 額 撥 備 ， 好 像 「 好 天 收 埋 落 雨 柴 」 ， 最 終 也 會 回 撥 ， 繼 而 推 高 未 來 的 盈 利 。 我 深 信 豐 潛 質 極 厚 ， 現 階 段 只 需 保 持 耐 性 ， 相 信 不 久 之 後 ， 便 能 守 得 雲 開 見 月 明 。

我 唯 一 擔 心 ， 是 豐 會 削 減 今 年 最 後 一 季 的 派 息 。 如 我 不 幸 言 中 ， 確 實 會 令 我 信 心 有 點 動 搖 。 但 若 全 年 派 息 不 差 於 ○ 六 年 的 八 十 一 美 仙 ， 豐 的 息 率 便 高 達 五 點 三 釐 ， 絕 對 令 人 覺 得 鼓 舞 ， 未 來 派 息 更 會 慢 慢 遞 升 。

(2008-01-24) 曹仁超 - 投資者日記: 分析員習非成是

　　1月23日，周三。恒生指數升2332.54，收24090.17；成交1563.5億元。1月期指高水，升2412點，收24215點，代表後市繼續睇漲。

　　今天長實（001）升12.2元、新地（016）升13.2元、太古A（019）升7.6元、礇控（005）升11.8元、恒生（011）升11.9 元、中銀香港（2388）升2.28元、中移動（941）升11.4元、港交所（388）升12.8元、國壽（2628）升4.35元、中石油（857） 升1.68元。

　　滬深A股亦大升，太平洋保險升6.3％、南京銀行升4.7％、美的電器升8.4％。

50天線跌穿250天線才確認熊市

　　由於1月底銀行可能再減息0.25厘到0.5厘，估計呢次反彈可維持到1月底2月初。恒生指數跌穿250天線後開始 反彈，由2007年10月30日鮋31958點回落至2008年1月22日鮋21709點，如反彈前跌幅30％，可見24756點。美國第四次減息落重藥 減0.75厘；加上月底有可能再減息0.25厘到0.5厘，可以將恒指短期推高。250天線唔係牛熊分界線，只有鰠50天線跌穿250天線才確認牛市死 亡。香港太多分析員已習非成是，去年8月已錯鰦一次，2008年1月再錯多次。家纒形勢係美股已出現熊市，港股仲係牛熊共舞，直到有一天恒指50天線低於 250天線為止。至於港股最後追隨美股進入熊市抑或係一直維持牛熊共舞？便要事後才知道。

　　高盛認為，原材料股遇上頂頭風，鋼鐵股、鋁業股、玻璃股、銅礦股都面對壓力；反之，金價、煤、水泥仍上升。同係資源股，卻同股唔同命。

　　美國經濟增長放緩，影響香港鮋出口地位，估計今年美國入口增長率只有0.7％；歐洲亦受影響而令入口增長放緩，令中國產品經港出口升幅由先前估計鮋10.4％降至5.6％。

　　美股回落影響港股，已大大動搖香港投資者鮋信心，令今年銀行來自上市集資鮋佣金收入及利息收入均大減，而令本港金融股純利升幅則減慢。

　　聯礇制度令香港今年再次進入負利率時代，內部消費上升（去年第四季二手樓交投上升178％）。估計今年上半年減息1.5厘，令地產受惠，但今年下半年影響力減退。換言之，香港樓價有機會粛上半年見頂，第三季開始穩定下來。

港再次進入負利率時代

　　本港通脹率今年估計達3.7％，明年估計達4.8％。今年香港再次進入負利率時代，對股市及樓價有一定影響。港元弱勢又可引發外資拋售港股；兩大因素互相影響下，今年港股應出現大上大落鮋場面。

　　去年11月至今，表現最出色係公用股，最差係國企指數，香港地產分類指數則大上大落。今年投資者宜任憑風浪起、穩坐釣魚船。今天恒指回升 10.72％，係亞太區升幅最大（新加坡只升1.1％），因香港銀行宣布減息0.75厘；美林分析員Willie Chan認為，港股跟隨美股出現熊市鮋機會好低，並估計今年住宅樓價可上升15％，支持港股再上升。瑞信分析員Clifford Lam認為，港股經調整後，現價已合理，負利率可將港股進一步推高。

　　瑞銀認為，依家係黎明前鮋黑暗，隨覑美國經濟今年放緩或走下坡，估計今年第一季及第二季美國GDP扣除通脹係負1％及負1.5％增長，第三季才回升到 正增長1.5％、第四季2.5％。美元利率粛今年年中可見2.25厘，而非之前估計鮋3.25厘，即未來仍有條件再減息1厘，令香港今年再次進入負利率時 代。1990至97年香港出現負利率兼經濟向好；呢次只係負利率但經濟向淡，估計對香港GDP仍可產生一定刺激作用，令本港地產股向上炒。

　　礇豐銀行分析員維持睇好新興市場鮋上升動力，認為經過三個月調整後，依家係Bottom fishing in stormy waters鮋時刻（混水摸魚者也）。其睇好非人壽類保險股、房地產股、工業股、化工、石油設施及服務股，並推介中國遠洋（1919），認為已回落到合理 水平，可以吸納。

　　花旗推介東方航空（670）、中國海外（688）、嘉里建設（683）及領匯（823），理由係睇好人民幣升值及香港減息對本港地產有正面刺激作用，並認為本港地產股尤其收租股可睇好；反而內房股面對人行可能加息，上升空間有限。

　　去年10月以大摩信貸策略部負責人Greg Peters為首鮋分析員認為，歐洲同亞洲可以同美國兩不相干（decouple）。依家證明歐洲同亞洲股市只係落後美國，而非兩不相干，道指去年10月 11日開始回落，恒指10月30日才回落；上述背馳現象過去亦曾出現，而非乜№decouple。雖然來自中國對香港鮋影響愈來愈大，香港仍未有條件同美 國經濟兩不相干，尤其聯繫制度仍存在（一紙婚書仍然有效，雖然唔少香港人已返深圳包二奶）。

　　大摩認為，歐洲股市只係出現熊市反彈。該行提供鰦1970年至今每次美國減息0.75厘以上時歐洲股市表現，最威一次係1975年2月4日美元利率 7.25厘減至6.5厘，一個月內歐洲股市上升10％（因牛市剛開始）；減幅最大係1980年5月20日美元利率減4.75厘，但歐洲股市只升4.9％； 1981年10月6日美國減3.5厘，歐洲股市只升2.4％。換言之，美國大幅減息未必令歐洲股市上升，一切視乎係牛市或熊市而定；上述分析好有啟發性。 周二美國聯儲局減息阻止鰦美股直插，到底有冇改變人們對美國經濟衰退鮋恐懼？

　　聯儲局減息0.75厘，令周二Ambac Financial Corp股價反彈29％，雖然公司宣布第四季大幅出現虧損。減息對次按保險公司有一定幫助，但能否挽救Countrywide及Washington Mutual？減息作用有如降落傘，可減慢下降速度，令經濟完成一次軟覑陸，但同時卻延長衰退鮋日子。

恒指仍然牛熊共舞

　　芝加哥期交所鮋VIX指數見30.8，打破重要心理位30，代表美股極度超賣。有減息0.75厘支持，美股一次強力反彈應冇問題，但威力已唔及 2007年8月17日鰟次。因為道指50天移動平均線已低於200天線，出現死亡交叉【圖】，確認美股熊市，唔似8月17日只係跌穿200天線可出現強力 反彈而形成Deep V（美股習慣用200天線；恒指習慣250天線）；反之，恒指並未出現50天線低於250天線，仲係牛熊共舞而非牛市死亡，所以今天反彈力度咁勁。

　　邱吉爾有以下忠告：如果你不懂得點樣鰠公眾人士面前用充滿自信及力量鮋說話去講出你鮋想法，便應設法避開群眾。對群眾講話係一門藝術，唔係人人可以也，有頭有面者應努力避開。

　　呢次聯儲局宣布減息0.75厘，投票係八票贊成，只有聖路易聯儲銀行主席反對，認為應鰠正常會議日才宣布。好消息係貝南奇終於明白次按事態嚴重，壞消 息係佢知道得太遲，大約遲鰦一年。呢次聯儲局匆匆減0.75厘，代表聯儲局亦panic，要透過視像會議去決定大幅度減息。睇鈬美國經濟鮋病情令人擔心。

　　經濟歷史學家Charles Kindleberger認為，金融市場分為三部分「Manias, Panics, Crashes」。當經濟進入狂熱期，政府財金官員有責任冷卻它。上述係1990年《信報》要求香港政府放棄聯礇制度鮋理由，因為到出現恐慌性拋售時才做 已經太遲。如處理得唔好，例如1997年亞洲金融風暴出現時港府仍推出八萬五房屋政策、金管局仍採取挾息打大鱷策略，便會令經濟進入第三階段，即 Crashes。依家美國經濟已進入第二階段「Panics」。殊仔同貝南奇能否阻止衰退鰠美國出現？已公布鮋統計數字對佢兩個愈來愈不利。

貝南奇用機關槍射蒼蠅

　　如果貝南奇有智慧，便應鰠2006年下半年繼續加息去阻止道指由2006年7月18日10683點上升到2007年10月11日14198點，即經濟 歷史學家所講鮋狂熱期出現。佢粛呢方面冇先見之明去阻止狂熱出現，到去年8月Panics出現，亦應該估計到呢次次按危機會進一步惡化，可惜佢連呢方面鮋 智慧都冇，任由道指粛去年11月形成熊市。今年1月22日則用機關槍去掃蒼蠅，急急召開視像會議、一口氣減息0.75厘，完全冇臨危不亂之風，貝南奇上任 時更曾向女記者露口風。佢呢兩年大事糊塗、小事精明；到今天騰雞到連我老曹都嚇唔倒，更何況見慣風浪鮋華爾街大鱷?!領袖必須運籌帷幄，決戰千里，有必要 時，將軍要有叫自己兄弟去死鮋性格才可。所謂仁者無敵只適合鰠學校講，商場誰不你虞我詐，勝者為王、敗者為寇？

　　美國經濟相信今年將出現軟覑陸（即GDP一季負增長）；至於美股早粛2007年11月確認熊市，恐懼已戰勝貪念，市場由恐懼感統治，即後市有反彈無上升。至於港股仍係牛熊共舞，十五隻吊桶七上八落。

　　去年美國房屋價格及成交量皆回落，而去年第四季美國企業純利出現負增長，估計去年第四季GDP只升0.4％，不過消費信心仍強。

　　投資者漸漸明白減息係壞消息唔係好消息，各位心理上應作好準備，接受美國經濟軟覑陸（即一季GDP負增長）。恐怕類似2000至02年鮋美股熊市又再出現，美股五年牛市於2007年10月正式結束。

　　有大量數據支持美股熊市去年11月已開始（至於美國經濟會否陷入衰退，又係另一回事）。事實上，只須一次經濟軟覑陸，已可令一個大熊市出現，令失業率 上升及消費增長率放緩、企業純利出現回落。香港受美股影響而出現猛烈波動，今年欲推行一個成功股票投資策略極唔容易。我老曹同詹瑞文兄合演舞台劇曾教大家 「拾纒、拾纒」，即70％現金、只留30％繼續投資（三七分），各位去年10月有冇咁做？

主權基金輸到唔清唔楚

　　呢次美國急急減息0.75厘，我老曹擔心係害大於利。作為trader，你可以fight the trend！投資者則有智慧不如趁勢，唔好同大趨勢作對。去年11月起我老曹已採用「paddle strategy」（以小博大），即我老曹過去強調細細注大大聲，例如可小量現金吸納期權或窩輪博賺取100％回報。Paddle策略係利用快艇裝上火箭 炮去攻擊敵人鮋航空母艦。如被自己打中，別人艦母沉沒；反之己方被敵方打中，損失只係一架快艇及數名士兵。如各位有興趣將作戰策略運用於自己投資上，3月 份出版鮋《論戰》應該飱你睇，保證較去年出版鮋《論勢》更精彩。各位是否仲記得1997-98年鰟場股市戰役點打？2000到03年鰟場又點打？仲有 1994、89、87、81及73-74年。著名投資家Jesse Livermore名句──There is only one side to the stock market. It is not the bull side or the bear side, but the right side !你係咪站粛right side度？有冇企錯邊？呢場風暴維持幾耐？我老曹木宰羊，只知粛風暴結束前仍有大量資金留鰠避難所。

　　過去亞洲及中東政府鮋主權基金係咪太早去party？例如中國政府及新加坡政府入股柏克萊銀行，該股股價至今再跌30％，係繼中國入股百仕通後另一太 早入股鮋例子；另外新加坡政府入股UBS，至今損失23％；阿布扎比投資局以75億美元粛去年11月認購花旗優先股，當日花旗股價29.8美元，今天 24.83美元回落17％；科威特30億美元入股花旗、20億美元入股美林，至今亦有虧損。至於內地中信證券公司去年10月以10億美元入股貝爾斯登，至 今貝爾斯登股價回落39％。連主權基金都輸到唔清唔楚，點解你可以唔輸？

(2008-01-23) 黃國英 - 英之見: 跌 得 太 快 偷 步 出 擊

2000 點 一 日 就 到 ， 氣 氛 相 當 恐 慌 ， 跌 得 這 樣 高 速 ， 似 乎 有 點 過 份 ， 開 始 可 以 認 真 做 功 課 ， 搜 尋 出 擊 的 對 象 。 其 實 理 論 上 應 該 等 待 更 多 改 善 的 證 據 ， 不 過 跌 勢 又 快 又 勁 ， 令 反 攻 的 空 間 及 值 博 率 都 大 大 提 升 。 阻 力 位 是 下 移 至 24000 點 ， 但 能 夠 逼 近 這 個 水 平 ， 已 經 有 不 俗 回 報 ， 所 以 值 得 鼓 起 勇 氣 ， 逆 市 行 動 。
最 安 全 的 選 擇 ， 依 然 是 REITs ， 跌 得 也 快 ， 但 既 然 利 率 預 期 會 大 跌 ， REITs 的 估 值 是 有 上 調 空 間 ， 不 求 加 租 ， 但 求 現 水 平 頂 得 住 ， 長 線 也 應 該 有 得 贏 。 輸 到 怕 不 想 太 冒 險 又 手 痕 ， 這 種 工 具 是 最 佳 穩 中 求 勝 的 選 擇 。
想 冒 險 的 話 ， 幾 乎 隨 街 股 票 任 揀 ， 各 適 其 適 。 資 源 股 一 定 是 在 捱 過 今 潮 之 後 的 明 星 ， 短 期 受 外 圍 衰 退 ， 打 擊 商 品 價 格 所 拖 累 ， 可 是 長 線 在 中 國 壓 低 多 項 物 價 之 下 ， 只 會 加 快 短 缺 ， 所 以 那 些 主 力 在 國 內 的 企 業 ， 而 又 倚 仗 運 輸 物 流 優 勢 的 ， 估 值 有 調 升 空 間 。 用 這 個 角 度 思 考 ， 煤 炭 股 是 首 選 ， 回 歸 A 股 的 概 念 ， 雖 然 未 必 可 恃 ， 但 中 煤 （ 1898 ） 跌 得 太 快 ， 應 該 可 以 考 慮 。
今 次 跌 浪 自 己 的 運 作 ， 仍 有 極 大 的 改 進 空 間 ， 過 份 看 重 減 息 及 香 港 減 稅 的 利 好 刺 激 ， 而 低 估 了 恐 慌 性 拋 售 中 的 決 心 ， 所 以 並 未 狠 心 大 舉 沽 貨 ， 股 票 的 比 例 未 夠 低 。 值 得 存 記 的 是 市 場 行 軍 的 速 度 ， 周 一 早 上 是 24700 ， 周 二 下 午 已 是 21700 ， 步 速 可 謂 驚 人 ， 理 由 應 該 有 幾 個 。

衍 生 工 具 加 速 跌 市

第 一 是 對 手 質 素 比 以 往 高 ， 無 論 章 法 及 決 心 都 更 勁 ， 第 二 是 衍 生 工 具 效 應 ， 令 防 守 性 大 減 ， 單 邊 市 出 現 之 後 ， 被 迫 要 跟 風 止 蝕 ， 第 三 是 有 大 批 散 戶 ， 懵 懵 賭 得 太 大 ， 買 了 過 多 結 構 性 產 品 ， 買 大 了 一 堆 股 票 ， 無 奈 要 止 蝕 ， 也 可 能 要 用 期 指 或 認 沽 期 權 對 。 總 之 股 市 這 種 大 賭 場 特 質 ， 令 走 勢 大 幅 加 快 ， 以 後 有 一 個 看 法 之 後 ， 便 不 可 以 豬 油 包 模 式 部 署 ， 要 有 更 大 的 決 心 和 狠 勁 去 執 行 ， 炒 股 票 根 本 是 很 難 。

(2008-01-23) 譚紹興 - 投資學堂: 250 日 線 定 牛 熊 不 可 靠

在 全 球 股 市 恐 慌 性 暴 跌 下 ， 昨 日 港 股 亦 終 於 失 守 250 日 平 均 線 23500 水 平 。 雖 然 250 日 線 經 常 被 認 為 乃 股 市 的 牛 熊 分 界 線 ， 股 市 好 淡 的 分 界 線 ， 惟 縱 觀 過 往 紀 錄 ， 不 難 察 覺 每 當 熊 市 時 ， 股 市 當 然 會 跌 破 250 天 線 ； 可 是 當 股 市 跌 破 250 天 線 時 ， 卻 不 一 定 是 熊 市 來 臨 ， 而 過 往 指 亦 曾 出 現 多 次 跌 破 250 日 線 後 ， 不 久 港 股 亦 能 止 跌 回 穩 重 拾 升 軌 ， 較 近 期 的 例 子 ， 便 是 由 2004 年 至 今 指 亦 曾 先 多 次 跌 破 250 日 線 （ 以 收 市 價 計 算 ） ， 正 如 附 圖 的 A 、 B 、 C 、 D 、 E 數 點 ， 而 隨 後 港 股 皆 能 止 跌 回 穩 ， 重 拾 升 軌 ， 故 單 以 港 股 跌 破 250 日 線 來 界 定 牛 市 或 熊 市 則 不 太 準 確 ！
另 一 方 面 ， 筆 者 察 覺 由 1988 年 至 今 ， 每 當 港 股 純 是 一 時 調 整 而 跌 破 250 日 線 ， 則 大 多 跌 至 250 日 線 之 下 10% 便 能 止 跌 ， 否 則 便 不 是 短 期 調 整 咁 簡 單 ！ 至 於 這 一 次 ， 由 於 250 日 線 暫 處 23500 水 平 而 其 下 的 10% ， 便 大 約 為 21150 點 。 故 此 ， 假 若 短 期 大 市 連 21000 水 平 也 失 守 ， 則 後 市 便 麻 煩 了 ！
講 完 負 面 訊 息 ， 講 番 一 些 較 樂 觀 的 資 訊 。
近 日 在 美 國 的 財 經 傳 媒 中 ， 經 常 看 到 它 們 談 論 ： 「 Fed Model 已 經 出 現 一 個 強 烈 入 市 訊 號 ， 顯 示 現 時 已 到 趁 低 吸 納 股 份 的 時 候 了 ！ 」

股 票 回 報 率 遠 勝 國 庫 券

至 於 甚 麼 是 「 Fel Model 」 ？ 其 模 式 頗 為 簡 單 ， 乃 以 美 國 S&P 500 指 數 的 盈 利 回 報 率 （ Earning Yield ） 與 美 國 10 年 期 國 庫 債 券 （ 10-year Treasury note ） 的 回 報 率 （ yield ） 作 比 較 。 簡 單 來 講 ， 當 股 市 之 盈 利 回 報 低 於 10 年 期 國 庫 券 回 報 時 便 應 考 慮 沽 售 股 票 而 吸 納 債 券 。 另 一 方 面 ， 當 股 市 之 盈 利 回 報 率 高 於 10 年 期 國 庫 券 的 回 報 時 ， 便 應 考 慮 買 股 票 而 沽 售 債 券 。 至 於 近 期 的 情 況 又 怎 樣 ？ 根 據 Barron's 的 資 料 ， 截 至 上 周 五 ， 美 國 的 S&P500 指 數 的 盈 利 回 報 率 為 7% ， 而 美 國 10 年 期 的 國 庫 券 之 回 報 率 僅 得 3.6% ， 顯 示 股 市 之 盈 利 回 報 率 （ 差 不 多 ） 高 於 10 年 期 之 回 報 達 2 倍 ， 故 此 若 根 據 Fed Model 來 看 ， 目 前 已 屆 入 市 吸 納 股 份 的 時 刻 了 ！

後 市 睇 美 銀 業 績

最 後 ， 這 一 次 全 球 股 市 下 挫 的 其 中 一 個 主 要 因 素 是 ， 市 場 憂 慮 美 國 經 濟 將 會 陷 入 經 濟 衰 退 所 致 。 至 於 短 期 股 市 會 否 出 現 些 微 好 轉 ， 或 一 個 像 樣 的 反 彈 ？ 筆 者 估 計 假 若 昨 日 美 國 最 大 銀 行 美 銀 公 佈 的 業 績 不 太 恐 怖 ， 又 或 在 近 期 全 球 股 市 大 恐 慌 之 際 ， 迫 使 貝 南 克 突 然 出 手 ， 大 幅 調 低 利 率 等 ， 皆 可 令 股 市 突 然 止 跌 回 升 （ 編 者 按 : 美 昨 已 減 息 0.75 厘 ） 。